অসমৰ কোনাে কোনাে অঞ্চলত অসহযােগ আন্দোলন খাজনা বন্ধ আন্দোলনলৈ পৰিৱর্তিত হৈছিল বিশেষকৈ কামৰূপৰ বাক্সা আৰু দক্ষিণ কামৰূপ অঞ্চলৰ জনজাতি লোক সকলে অসহযােগৰ সময়তে খাজনা বন্ধ আন্দোলনৰ সূচনা কৰিছিল।
বকো অঞ্চলৰ ভালেমান গাঁৱৰ কৃষক জনসাধাৰণেও আন্দোলনৰ সৈতে সংহতিস্থাপন কৰি সেই অঞ্চলতাে খাজনা বন্ধ আন্দোলন সংগঠিত কবি কৃতকার্যতা লাভ কৰিছিল। অসহযােগ আন্দোলনৰ সময়ত কেইবামাহ ধৰি এই দুয়ােটা অঞ্চলতে চৰকাৰী কর্তৃপক্ষ কোনো চিন-মােকাম নােহােৱা হৈ পৰিছিল। অসমৰ চাহ বাগিছাৰ শ্ৰমিকসকলৰ ওপৰত অসহযােগ আন্দোলনৰ ব্যাপক প্রভাব পৰিছিল। গান্ধীৰ আবিৰ্ভাৱ আৰু স্বৰাজৰ বাণীয়ে চাহ বাগিছাৰ মানুহক জাগ্ৰত কৰি তুলিছিল।
অসহযোগ আন্দোলনৰ ফলস্বৰূপেই অসমত কানি বিক্ৰীৰ তাৰু সেৱনৰ পৰিমাণ যথেষ্ট কম হৈছিল আৰু সেই সূত্রে চৰকাৰে কানিৰপৰা পােৱা আবকাৰী শুল্কৰ পৰিমাণে অত্যধিক নিম্নগামী হৈছিল।এই আন্দোলনৰ ফলস্বৰূপে ১৯২১-২২ চনত অসমত স্কুল ছাত্র সংখ্যা প্রায় ৭ শতাংশলৈ হ্রাস পাইছিল। আন্দোলনৰ তীব্ৰতাৰ সময়ত ৯ ৰ পৰা ১০ শতাংশলৈ ছাত্রই কলেজ বর্জন কৰিছিল আৰু ইয়াৰে এক তৃতীয়াংশই পুনৰ শ্ৰেণীত ভর্তি হৈছিল । গতিকে এনেদৰে অসমত অসহযোগ আন্দলন গান্ধীজীৰ নেতৃত্বত হোৱা পৰিলক্ষতিত হৈছিল ।
0 Comments